Маңғыстау облысының мәдениет басқармасыМемориалдық музей

Ақпан айының 21-і күні С. Қондыбай атындағы мемориалдық музей Қарақия ауданының Жетібай ауылына №3 орта мектепке жүрмелі көрме өткізді. Көрменің басты мақсаты музейді және Серікбол шығармаларын халыққа таныстыру, дәріптеу. Көрме барысында:

- С. Қондыбайдың өмірі мен шығармашылығы;

- Ғаламның мифтік моделі;

- С. Қондыбайдың 50 жылдығына орай өткізілген комикс және иллюстрациялар байқауының жүлделі орын алған жұмыстар мен С. Қондыбайдың кітаптар топтамалары қойылды.

Сонымен қатар, жүрмелі көрмемен танысуға келген оқушыларға музейдің ғылыми-зерттеу бөлімінің меңгерушісі Р. Есболаев Абайдың 175 жылдығына орай «Абай қара сөздері қазіргі заманда» атты баяндамасын және экскурсия көпшілік бөлімінің меңгерушісі Ұ. Жұбаназаров «Жылқы мифологиясы» лекциясын оқыды.

Көрмеге келушілер өздерінің ойымен бөлісіп, сұрақтарын қойып, ыстық ықыласпен қарсы алды. Көрме өткізуге көмектескен Жетібай ауылы №3 орта мектеп директоры Г. Мұқановаға және мектеп ұжымына алғысымыз шексіз.