Маңғыстау облысының мәдениет басқармасыМемориалдық музей

Құстар туралы аңыздарға саяxат

Бүгін мұражайда С.Қондыбай шығармалары негізінде "Құстар туралы аңыздарға саяxат" тақырыбында ғылыми-танымдық шара өтті. Шара бағдарламасына сай С.Қондыбай еңбегін зерттеушілер Мұрат Мұрзағалиұлы және мекеме қызметкері Зинаида Изимова құстар мифі туралы қатысушыларға түсінік берсе, "Қызылсай" табиғатты қорғау және пайдалануды реттеу мекемесінің маманы Нұрғиса Құлжанова Маңғыстауда мекендейтін құстар және олардың қорғалу жайы туралы мәлімет берді. 

Сондай-ақ, Шетпе лицейінің 10-сынып оқушылары  «Маңғыстаудағы жыртқыш құстар» туралы презентация көрсетті. Тұщыбек ауылынан келген құсбегілер: Ещанов Ертіс, Совет Өтежан, Тайманов Айшуақ, Оразмағамбетов Қуаныш, Өтеғали Мереке өздерінің баптаған қырандарымен таныстырып, құсбегілік өнердің қыр-сырын түсіндіріп, қатысушылардың сұрақтарына жауап берді. 

Шара барысында «Балалар өнер мектебінің» суретшілері шеберлік сабағын көрсетті. Мәдени шараны мұражай директоры Р.Бердиева қорытындылап, шарада белсенділік танытқан құсбегілер мен суретшілерге алғыс жариялады.