Маңғыстау облысының мәдениет басқармасыМемориалдық музей

Маңғыстау өңірінің туризм саласын дамыту Серікболдың бала кезінен арманы болатын. Сол үшін мектеп кезінен география пәнін өте қызығушылықпен оқыды. Мектеп бітірген соң әл-Фараби атындағы Қазақ Мемлекеттік университетінің география факультетіне оқуға түсіп, геоморфолог мамандығын алып шықты. Университет қабырғасында сол кездегі Кеңес Үкіметінің құрамдас республикаларына практикаға барып, олардың туризм саласымен толығырақ танысады. Әр тасы аңызға айналған Маңғыстаудың туризмін дамыту жолында, көптеген шығармалар жазды. Ең алғашқысы өзінің дипломдық жұмысы болатын. Дипломдық жұмысты орыс тілінде жазып, еңбегі үздік бағаланды. Маңғыстаудағы туризмді дамыту үшін, туристік объектілерді 9 түрлі тармаққа жіктеп, карта дайындады. Осы тармақтарға байланысты барлық объектілер әр түрлі түстермен көрсетілген:

1. Ұлттық тарихи мемориал

2. Аймақтық тарихи мемориал

3. Жергілікті тарихи зираттар

4. Ұлттық ландшафтық геоморфологиялық парк

5. Жергілікті және аймақтық парктер

6. Ұлттық теңіз жағалауы

7. Жергілікті теңіз жағалық паркі

8. Ел – Жер үшін шайқас болған жерлер мен (шаһид батырлар)

9. Керуен жолдары