МЕНІҢ СЕРІКБОЛЫМ

МЕНІҢ СЕРІКБОЛЫМ

Серікбол Қондыбайдың адам таңданарлық дарынына, ғаламат қайрат-қажырына, екінің бірінде бола бермейтін ғылыми білім-білігіне, адами, азаматтық болмысына қайран қаламын. Маңғыстаудың бір бұрышында отырып, жай ғана емес, жастайынан мүгедектер арбасында отырып, барлық мүмкіндіктері толық, шығармашылық потенциалы өте зор тұтас бір ғылыми-зерттеу институтының өзі тындыра алмайтын орасан зор шаруаны қапысыз түгендеп қана қоймай, әлемді, көрінгенді мойындауы қиын ғылыми ортаны мойындатып қана қоймай, күллі мифологияға жаңа ұстын, озық үлгілер ұсынған осы бір қазақ жігітін өз басым ірі феномен, қазақтың аса ірі тұлғаларының бірегейі деп санаймын.

Оның ғаламат мүмкіндіктерінің мейлінше ашылуына, сол тұста-ақ саналы жұртты өзіне жалт қаратып, толассыз мойындатуына сәл болса да себепкер, тілеулес, тілектес болғанымды мақтан тұтамын.

Мықтының қалың жұртты ұлы өнегесімен, о баста құдіретті Алла сыйлаған бітім-болмысымен ұйытары, еріксіз мойындатары анық. Соның озық үлгі- өнегесін Серікбол көрсетті. Және сол күйінде біздің қазаққа ғана тиесілі күйінде өзі шыққан биікте мәңгілікке қалды деп ойлаймын.

... Серікболдың шығармашылығымен танысуым ойламаған жерден басталды. Ұмытпасам, 2000-жылдың көктемі болар. Ақтөбеге келіп, бүгінде тарихқа айналып кеткен әйгілі «Алтын Орда» апталығын шығара бастағанбыз. Жұмыс өте қиын, бірақ жаңа ұжымның, дәлірек айтсақ, нағыз энтузиастардың жаңа, елге өнеге көрсетерлік басылым шығарамыз деген ұмтылысы мен сенімі күшті. Соның арқасында аз ғана уақытта жаңа апталық қарапайым жұртшылықтан үлкен билікке дейінгі қазақы қауымға тез таныла бастаған. Ел-жұрттан келетін материалдардың ұсақ-түйегіне дейін мән береміз. Сәл де болса жылты бар нәрсеге қуанып, жариялауға асығамыз.

Бір күні маған қызметкерлердің бірі бірнеше қолжазбаларды әкеп беріп: «мынау бір кісіден келген хат, бірнеше материал, бізге сәл түсініксіздеу, өзіңіз көріңіз», — деді. Кітап форматымен басылған. Бірнеше мақаладан тұратын қолжазба сияқты.

Оқыдым да, қайран қалдым. Қызметкерлерге мұның қаншалықты сауатты дүние екендігін, тұтас бір дүниенің бөлігі екенін, қазақ мифологиясына кіріспе, тың тақырып, қайырлы тақырып екенін айтып, газетке үздіксіз беруін өтіндім.

Көп ұзамай Маңғыстаудағы Зәкіржан Кәлкенбаевқа хабарласып, Серікболдың кім екенін, қазір не істейтінін сұрадым. Сұрадым да, қайран қалдым. Өзіміз білетін сауатты ортаға түгелге жуық хабарласып, Маңғыстаудағы феномен туралы әңгімелеумен болдым. Бірінші таңданған да, сүйсінген де досым, ғажайып білімдар Таласбек болды. Сол тұста «Білім және еңбектегі» Әшірбек Амангелдиев Серікболдың «Қазақ мифологиясына кіріспе» кітабын шығарды. Алматыға барып жүр едім, кітаптың бір данасын иемденіп, қуанып қалдым...

Бер жағы ұзақ тарих. Таласбек пен Зира, өзге зиялылар Серікболды тезірек тани бастады. Мұрат Әуезов, өзге де ғалымдар жаңа дарынның құдіретіне бас иді. Солардың атынан хат әзірлеп, әйгілі Иманғалиға жіберіп, «Алтын Ордаға» жариялағанбыз. Бір апта өтпестен Иманғали маған телефон соғып тұр...

Одан бері қанша қайырлы іс бітті. Дүниеден қырық жасына жетпей Серікбол інім де өтті. Соңына қыруар мұра қалдырды. Қазір Серікбол мұрасы әлемге танылып, мойындала бастады. Соның бәрін үйлестіріп жүрген айтулы тілеулестер көп. Әсіресе, Зира Наурызбаева мен Серікболдың бауыры Балсұлу. Қаншама тілеулестер, Серікболды қастерлейтін сауатты жастар бар. Биліктегі зерделі азаматтар Серікбол мұрасының дүниеге кеңінен таралуына ерекше қамқор болып отыр...

Меніңше, Серікболды тану енді ғана басталды. Өз басым оған әлі де оралармын деп ойлаймын. Әзірге тек қуанышымды жеткізгім келді.

Қазіргінің қажеті ғой деп, Алқажан Еділханнан қабылдаған эстафетаны Зира Наурызбаева қарындасым мен Ислам Спановқа жолдағалы отырмын. Серікбол Қондыбай музейі жариялаған эстафетаны, Серікболдың суреті мен музей суретін жолдаған Алқожаға зор алғыс.

Серікбол ісіне ерекше еңбек сіңіріп жүрген Зираға, Балсұлуға, музейге алғысым зор.

Серікболдың есімі, тындырған ісі халық жадында мәңгі сақталарына сеніңіздер.

Мейірхан Ақдәулетұлы. 

Жарияланған күні: 0 Оқылған саны: 641




28 қыркүйек 2021

«Қырымның қырық батыры» деп аталатын жырлар циклі

17 қыркүйек 2021

«Ұлттың ұйысуы – одан әрі дамудың басты факторы» тақырыбындағы республикалық лекториумның қатысушыларының бір тобы музейімізде қонақта болды.

17 қыркүйек 2021

“Қорқыт ата және Уақыт” атты қазақ әдебиеті пәнінен музей сабағы өтті.

14 қыркүйек 2021

«Маңғыстау мен Үстірттің киелі орындары» атты кітабы

2 қыркүйек 2021

ЖОЛДАУДЫ ҚОЛДАЙМЫН

1 қыркүйек 2021

«Білім күні» мерекесімен құттықтаймыз!

9 тамыз 2021

Тәуелсіздіктің 30 жылдығына арналған челлендж

9 шілде 2021

«С. Ә. Қондыбайдың ғылыми және мәдениеттанулық мұрасы: түркілер мен қазақтардың миф философиясын жаңаша тұрғыда зерттеу» атты республикалық дөңгелек үстел өткізілді.

2 шілде 2021

«Ел астанасы – Нұр-Сұлтан» атты мерекелік шара өткізілді.

1 шілде 2021

Музей суретшісі Е.Ещановтың «Бояулар құпиясы» атты шеберлік сағатына шақырамыз.

21 маусым 2021

Қазақстан Республикасы Президенті жанындағы мемлекеттік басқару академиясының докторанттары музейімізге келді.

16 маусым 2021

Ұлы Баба немесе Құдай -ана - жер бетіндегі мифологиялық дәстүрлердің басым көпшілігіндегі ең басты әйел (ұрғашы) сипатты тәңіриенің атауы.

1 маусым 2021

1-маусым халықаралық балаларды қорғау күніне ашық есік ұйымдастырылып тегін қызмет көрсетілді.

27 мамыр 2021

ТЫЛСЫМ ӘЛЕМНІҢ МУЗЕЙІ.

19 мамыр 2021

18-мамыр Халықаралық музей күнімен құттықтаймыз!

18 мамыр 2021

СЕРІКБОЛ ҚОНДЫБАЙ АТЫНДАҒЫ МЕМОРИАЛДЫҚ МУЗЕЙІ «ҮЗДІК АУЫЛДЫҚ МУЗЕЙ» НОМИНАЦИЯСЫНЫҢ ИЕГЕРІ.

30 сәуір 2021

Назарларыңызға музейіміздің Мифология залының онлайн видеоэкскурсиясын ұсынамыз.


: https://www.facebook.com/permalink.php?story_fbid=1380989155633539&id=100011674024631

21 сәуір 2021

20 апреля состоялась научно-практическая конференция региональных студентов ′′ Серикбольский мир"

21 сәуір 2021

Рубрика ′′ Материнская мифология′′

12 сәуір 2021

С 01-05 марта по 01-05 марта музейная экскурсия на квалификационный курс

12 сәуір 2021

Почетный Алаш в центральной библиотеке Мангистауского района

7 сәуір 2021

Учителя и воспитанники средней школы No 6 г. Актау посетили наш специальный музей на праздник марта

6 сәуір 2021

На прошлой неделе две семьи нашего села были переданы работниками музеев. Им дали пищу социального значения.

31 наурыз 2021

Ақтау қаласының №6 орта мектебінің оқушылары мен мұғалімдеріның экскурсиясы


: https://www.facebook.com/100011674024631/posts/1360157467716708/?d=n